ვარჯიშები ნეფროფტოზის ანუ თირკმლების დაწევის დროს

ნეფროფტოზი ნიშნავს თირკმლების დაწევას ანუ თირკმლის ისეთ მდებარეობას, რომლის დროსაც ეს ორგანო ჩვეული მდებარეობიდან (წელის მიდამო) შესამჩნევადაა გადანაცვლებული მუცლის, ზოგჯერ კი მენჯის ღრუს არეშიც. ამასთან, ზოგჯერ თირკმელს შეუძლია დაუბრუნდეს საწყის მდებარეობას.

აღსანიშნავია, რომ მდებარეობის ცვლილების შემთხვევაში, თირკმელი ჩვეულებრივზე მეტად მოძრაობს. მას ბუნებრივად მინიჭებულ ადგილზე ანუ წელის მიდამოში აჩერებს: მუცლის იოგები, ფასცია, მუცლის კედლის კუნთები, თირკმლების იოგები.

არსებობს ვარჯიშების კომპლექსი, რომელთა შესრულება ორგანოების (თირკმლების, საშვილოსნოს, საშოს და სხვა) დაწევის დროს კარგ შედეგს იძლევა:

1. დაწექით ზურგზე, ხელები გქონდეთ ტანის გასწვრივ; გააკეთეთ ტერფების წრიული მოძრაობა მონაცვლეობით – ხან ერთ, ხან – მეორე მხარეს. გაიმეორეთ 4-6-ჯერ.

მეთოდური შენიშვნა – ვარჯიშისას აუცილებლად გამოიყენეთ პატარა მუთაქა, კუდუსუნის ძვლის ქვეშ დასადებად;

2. დაწექით ზურგზე, ხელები გაშალეთ მხრების დონეზე; გააკეთეთ ტერფების წრიული მოძრაობა მონაცვლეობით – ხან ერთ, ხან კი მეორე მხარეს. გაიმეორეთ 10-12-ჯერ.

მეთოდური შენიშვნა – ისუნთქეთ თავისუფლად;

3. დაწექით ზურგზე, ხელები მიიტანეთ მხრებთან; გააკეთეთ მხრის სახსრებში წრიული მოძრაობები ორივე მიმართულებით. გაიმეორეთ 10-12-ჯერ.

მეთოდური შენიშვნა – ისუნთქეთ თავისუფლად;

4. დაწექით ზურგზე, ხელები მიიტანეთ მხრებთან; მონაცვლეობით მოხარეთ და გაშალეთ ფეხები. ვარჯიში გაიმეორეთ 6-8-ჯერ.

მეთოდური შენიშვნა – ტერფები მოაშორეთ იატაკს;

5. დაწექით ზურგზე, ხელები მიიტანეთ მხრებთან; მაღლა ასწიეთ მარცხენა ხელი და მარჯვენა ფეხი, თან, ამოისუნთქეთ, შემდეგ კიდურები დასწიეთ და ჩაისუნთქეთ; იგივე ვარჯიში შეასრულეთ მეორე ხელითა და ფეხით. გაიმეორეთ 4-6-ჯერ;

6. დაწექით ზურგზე, ხელები განზე გაშალეთ, ფეხები მოხარეთ; მუხლები გადასწიეთ განზე (გადაშალეთ), ჩასუნთქვისას შეისრუტეთ მუცელი და შორისის მიდამო – ასე გაჩერდით 3-5 წამი, შემდეგ კი დაუბრუნდით საწყის მდგომარეობას. გაიმეორეთ 4-6-ჯერ;

7. დაწექით ზურგზე, ხელები გაშალეთ, ფეხები გაშალეთ მხრების დონეზე; მოაბრუნეთ ტანი და ხელისგულით შეეხეთ მეორე ხელისგულს. გაიმეორეთ 4-6-ჯერ;

8. დაწექით ზურგზე; ჩასუნთქვისას ასწიეთ მარჯვენა ფეხი, ამოსუნთქვისას – მოხარეთ მუხლი სახსარში და ხელებით მიიტანეთ მუცელთან, იგივე ვარჯიში შეასრულეთ მარცხენა ფეხით; გაიმეორეთ 4-6-ჯერ;

9. დაწექით ზურგზე, ფეხები მოხარეთ მუხლის სახსრებში; გააკეთეთ “ნახევარხიდი” (ანუ ზურგი აზნიქეთ – მოაშორეთ იატაკს), შეისრუტეთ მუცელი და შორისის არე 3-5 წამის განმავლობაში, შემდეგ კი დაუბრუნდით საწყის მდგომარეობას. გაიმეორეთ 4-6-ჯერ.

10. დაწექით ზურგზე და შეასრულეთ ვარჯიში “ველოსიპედი”, 1 წუთის განმავლობაში.
მეთოდური შენიშვნა – ხელების მდებარეობა თავადვე შეარჩიეთ;

11. დაწექით ზურგზე; ამოსუნთქვისას, ხელების დახმარებით ფეხები მუცელთან მიიტანეთ, ჩასუნთქვისას კი დაუბრუნდით საწყის მდგომარეობას; გაიმეორეთ 4-6-ჯერ;

12. დაწექით ზურგზე; შეასრულეთ “დიაფრაგმული სუნთქვა”. ვარჯიში გაიმეორეთ 4-6-ჯერ.
მეთოდური შენიშვნა – ჩასუნთქვისას მაქსიმალურად გაბერეთ, ამოსუნთქვისას კი მაქსიმალურად შეისრუტეთ მუცელი;

13. დაწექით ზურგზე; ასწიეთ ჯერ ერთი ფეხი, შემდეგ – მეორე და ასეთ მდგომარეობაში იყავით დაახლოებით, 5-10 წამი, შემდეგ კი მონაცვლეობით დასწიეთ ფეხები. გაიმეორეთ 3-4-ჯერ;

14. დაწექით ზურგზე. თავი და ტანი ოდნავ წამოსწიეთ იატაკიდან, ფეხებით კი შეასრულეთ ხან “ველოსიპედის”, ხანაც – “მაკრატლის” მოძრაობები;

15. დაწექით მუცელზე, ხელები ამოიდეთ ნიკაპქვეშ; მონაცვლეობით ასწიეთ (მკვეთრი მოძრაობით) ფეხები უკან. გაიმეორეთ 4-6-ჯერ;

16. დაწექით მუცელზე, ხელები ამოიდეთ ნიკაპქვეშ; ერთდროულად მოხარეთ ფეხები მუხლების სახსრებში, ჩასუნთქვისას დაძაბეთ დუნდულა კუნთები და ასე გაჩერდით 3-5 წამს. გაიმეორეთ 4-6-ჯერ;

17. დაწექით ზურგზე, ხელები გაშალეთ წინ; ხელები და ფეხები ერთდროულად ასწიეთ, შემდეგ კი დაუბრუნდით საწყის მდებარეობას; ასეთი ვარჯიში შეასრულეთ 1 წუთის განმავლობაში.

მეთოდური შენიშვნა – ისუნთქეთ თავისუფლად;

18. დაწექით ზურგზე; წამოიწიეთ იდაყვზე და იმავდროულად, მუხლის სახსრებში მოხრილი ფეხები მოზიდეთ მუცლისკენ. შეეცადეთ, მუხლები იდაყვებს შეახოთ. გაიმეორეთ 6-8-ჯერ.

მეთოდური შენიშვნა – ისუნთქეთ თავისუფლად;

19. დადექით მუხლ-იდაყვის მდგომარეობაში; მუხლით მისწვდით საწინააღმდეგო ხელის მტევანს, შემდეგ მერე მუხლით შეასრულეთ იგივე ვარჯიში. გაიმეორეთ 6-8-ჯერ.

მეთოდური შენიშვნა – მუხლი იატაკს არ მოაშოროთ;

20. დადექით მუხლ-იდაყვის მდგომარეობაში; მოხარეთ ხელები იდაყვის სახსრებში, მკერდით შეეხეთ იატაკს. გაიმეორეთ 6-8-ჯერ.

მეთოდური შენიშვნა – ვარჯიშის შესრულებისას იდაყვები განზე გასწიეთ;

21. დადექით მუხლ-იდაყვის მდგომარეობაში; ფეხები მონაცვლეობით გაშალეთ. გაიმეორეთ 6-8-ჯერ;

22. დადექით მუხლ-იდაყვის მდგომარეობაში; მუხლით მისწვდით საპირისპირო იდაყვს; ვარჯიში შეასრულეთ ორივე ფეხის მონაცვლეობით. გაიმეორეთ 6-8-ჯერ;

23. დადექით მუხლ-იდაყვის მდგომარეობაში; მიიტანეთ მუხლები იდაყვებთან მაქსიმალურად ახლოს და გაჩერდით ასეთ მდგომარეობაში 3-4-წამი; ვარჯიში გაიმეორეთ 3-4-ჯერ;

24. დაწექით ზურგზე, ფეხები მოხარეთ, გაიკეთეთ მუცლის თვითმასაჟი, დაახლოებით, 1 წუთის განმავლობაში;