დელაგილი / DELAGYL

დელაგილი/ DELAGYL – პრეპარატის სამედიცინო გამოყენების ინსტრუქცია

პრეპარატის სავაჭრო სახელწოდება: დელაგილი
საერთაშორისო არაპატენტირებული სახელწოდება: ქლოროქინი
სამკურნალწამლო ფორმა: ტაბლეტები 250 მგ

შემადგენლობა

1 ტაბლეტი შეიცავს: ქლოროქინს 250მგ, დამხმარე ნივთიერებებს სიმინდის სახამებელს, კოლოიდურ სილიციუმის მჟავას, პოლიაკრილის მჟავას, მაგნიუმის სტეარატს, ტალკს, პოლივინილბუტიროლს.
აღწერილობა ბრტყელი ტაბლეტები დაქანებული კიდეებით, თეთრი ან თითქმის თეთრი ფერის, უსუნო.

ფარმაკოთერაპიული ჯგუფი

მალარიის საწინააღმდეგო პრეპარატი

კოდი ATX [PO1BA01]

ფარმაკოლოგიური მოქმედება

პროტოზოების საწინააღმდეგო საშუალება, ავლენს აგრეთვე იმუნოდეპრესულ და ანთების საწინააღმდეგო მოქმედებას. იწვევს ყველა სახის პლაზმოდიების უსქესო ერითრიციტული ფორმების დაღუპვას. მოქმედებს გამეტოციდურად Plasmodium falciparum გარდა, რომელზეც მოქმედებს ანტიგამეტოციდურად.

ფარმაკოკინეტიკა

დელაგილი/ DELAGYL შიგნით მიღებისას ადვილად და თითქმის მთლიანად შეიწოვება კუჭ-ნაწლავის ტრაქტიდან. სისხლში მაქსიმალური კონცენტრაცია აღინიშნება უკვე 2-6 საათში. 55%-ით შეკავშირდება პლაზმის ალბუმინებთან. სწრაფად ვრცელდება ქსოვილებსა და ორგანოებში (ღვიძლი, თირკმლები, ელენთა, ფილტვები). იოლად გადის ჰემატო-ენცეფალურ და პლაცენტურ ბარიერებს. მეტაბოლიზდება მცირე რაოდენობით (25%-მდე), გამოიყოფა თირკმლებით (70% უცვლელი სახით) ნელნელა. ნახევრადგამოყოფის პერიოდი 1-2თვე. თირკმლების უკმარისობის დროს შეიძლება მოხდეს კუმულაცია.

ჩვენებები მიღებისთვის
მალარია (ყველა ფორმის პროფილაქტიკა და მკურნალობა) არანაწლავური ამებიაზი, ღვიძლის ამებური აბსცესი, სისტემური წითელი მგლურა (ქრონიკული და ქვემწვავე ფორმები), რევმატოიდული ართრიტი, სკლეროდერმია, ფოტოდერმატოზი.

უკუჩვენებები
ზემგრძნობელობა, ღვიძლის და/ან თირკმლის უკმარისობა, ძვლოვანი ჰემოპოეზის დაქვეითება, გულის რითმის მძიმე დარღვევები, პსორიაზული ართრიტი, ნეიტროპენია პორფირინურია, ორსულობა, ლაქტაცია. სიფრთხილეა საჭირო გლუკოზო-6-ფოსფატდეჰიდროგენაზის დეფიციტის, რეტინოპათიისა და ეპილეფსიის დროს.

დოზირების რეჟიმი
შიგნით მალარიას პროფილაქტიკისათვის 0.5გ პირველ კვირაში ორჯერ, შემდეგ ერთჯერ კვირის ერთიდაიგივე დღეს.

მალარიას მკურნალობენ შემდეგი სქემით: პირველ დღეს ერთჯერადად 1გ და 6-8სთ. შემდეგ კიდევ 0.5გ. მეორე და მესამე დღეს 0.75გ ერთ მიღებაზე.. ამებიაზის დროს თავიდან 0.5გ 3-ჯერ დღეში 7 დღის მანძილზე, კიდევ 7 დღის განმავლობაში 0.25გ 3-ჯერ დღეში, ხოლო შემდეგ 0.75გ 2-ჯერ კვირაში 2-6თვის მანძილზე.
რევმატოიდული ართრიტის სამკურნალოდ ჯერ 0.25გ 2-ჯერ დღეში 7 დღე, შემდეგ 0.25გ ყოველდღიურად 12 თვის მანძილზე. სისტემური წითელი მგლურის დროს 0.25-0.5გ ყოველდღიურად, ხოლო ფოტოდერმატოზის დროს ჯერ 0.25გ ყოველდღიურად1 კვირა, შემდეგ 0.5-0.75 კვირაში ერთხელ.

გვერდითი მოქმედება
კნტ-ის მხრივ: გულისრევა, ღებინება, გასტრალგია.
ნერვული სისტემის მხრივ: თავბრუსხვევა, თავის ტკივილი, ძილის დარღვევა. ფსიქოზი, ეპილეფსიური კრუნჩხვები.
გულ-სისხლ¬ძარღვთა სისტემის მხრივ: მიოკარდიუმის დაზიანება ცვლილებებით ელექტროკარდიოგრამაზე, არტერიული წნევის დაქვეითება.
გრძნობის ორგანოების მხრივ: ხანგრძლივი გამოყენებისას რქოვანას შემღვრევა, ბადურას დაზიანება, მხედველობის დარღვევა და ხმაური ყურებში.
ალერგიული რეაქციები: დერმატიტი, ფოტოსენსიბილიზაცია.

სხვა: მიალგია, ლეიკოპენია, კანისა და თმის ფერის შეცვლა.

დოზის გადაჭარბება
სიმპტომები: ღებინება, ცნობიერების მოშლა, მხედველობია დარღვევა, კრუნჩხვები, კოლაფსი, სუნთქვის ცენტრის დათრგუნვა სიკვდილის განვითარებითაც კი (სუნთქვის დათრგუნვიდან 2 საათში). მკურნალობა: ღებინების გამოწვევა, კუჭის ამორეცხვა, გააქტიურებული ნახშირის მიღება ქლოროქინის დოზაზე ხუთჯერ მეტი რაოდენობით, პერიტონეული დიალიზი, პლაზმაფარეზი.

ურთიერთმოქმედება სხვა სამკურნალო ნივთიერებებთან
ფენილბუტაზონთან, ოქროს პრეპარატებთან, პენიცილამინთან, ციტოსტატიკებთან, ლევამიზოლთან ერთდროულად გამოყენებისას იზრდება ძვლის ტვინის აპლაზიისა და კანის დაზიანების საფრთხე.
ანტაციდები არღვევენ აბსორბციას, ციმეტიდინი ზრდის პრეპარატის კონცენტრაციას სისხლში. მალარიას საწინააღმდეგო სხვა წამლებთან კომბინაციაში გამოყენებას შეიძლება მოჰყვეს ანტაგონისტური ეფექტი.
გლიკოკორტიკოსტერიდებთან ერთად გამოყენება ადიდებს მიოპათიისა და კარდიომიოპათიის განვითარების რისკს, მონოამინოოქსიდაზის ინჰიბიტორებთან ერთად ხმარება ზრდის ნეიროტოქსიურობის საფრთხეს, ეთანოლთან-ჰეპატოტოქსიურობას, ხოლო საგულე გლიკოზიდებთან – აძლიერებს გლიკოზიდურ ინტოქსიკაციას

განსაკუთრებული მითითებები
მკურნალობის პერიოდში აუცილებელია სისტემატურად ოკულისტთან გასინჯვა და სისხლის ანალიზების კონტროლი.

გამოშვების ფორმა
ტაბლეტები 250მგ. 10 ტაბლეტი ბლისტერში.
3 ბლისტერი მოთავსებულია მუყაოს ყუთში გამოყენების ინსტრუქციასთან ერთად.

შენახვის პირობები
სია B. ბავშვებისთვის მიუწვდომელ ადგილას, 250ჩ ტემპე¬რატურამდე.

შენახვის ვადა
5 წელი. არ გამოიყენოთ შენახვის ვადის ამოწურვის შემდეგ.

აფთიაქებიდან გაცემის პირობები
რეცეპტით

მწარმოებელი
აი სი ენ უნგრეთი სსუნგრეთი
ბუდაპეშტი, ჩატარკას ქ. 82-84