ავიტა, მედიკამენტები

ალეროლი /ALLEROL

ალეროლი /ALLEROL
ფარმაკოთერაპიული ჯგუფი:
ანტიჰისტამინური საშუალება

შემადგენლობა:
თითოეული ტაბლეტი შეიცავს 10 მგ ცეტირიზინის დიჰიდროქლორიდს.
სხვა ინგრედიენტები: ტიტანის დიოქსიდი.

ფარმაკოლოგიური თვისებები:
პრეპარატის ფარმაკოდინამიკა:
ცეტირიზინი ჰისტამინის კონკურენტული ანტაგონისტია, აბლოკირებს H1- ჰისტამინურ რეცეპტორებს. ერთჯერადი ორალური დოზის 10 მგ-ს ეფექტი 24 საათის განმავლობაში აღინიშნება. ახდენს ალერგიული რეაქციის განვითარების პრევენციასდა ამსუბუქებს მათ მიმდინარეობას, გააჩნია ალერგიის, ქავილის, ექსუდაციის საწინააღმდეგო მოქმედება.
კლინიკურმა გამოკვლევებმა ცხადყო, რომ თერაპიულ ეფექტს მე-2 თაობის ანტიჰისტამინურ სხვა პრეპარატებთან შედარებით მნიშვნელოვანი უპირატესობა გააჩნია. ასევე მას გააჩნია სელექტიური მოქმედება H1- ჰისტამინურ რეცეპტორების მიმართ. არ გააჩნია აფინიტეტი მუსკარინის, ალფა-1, ადრენერგიული, სეროტონინერგიული და D2 დოფამინერგული რეცეპტორების მიმართ. გარდა ამისა ცეტირიზინი ახდენს ეოზინოფილური უჯრედების მიგრაციის პრევენციას ალერგიული რეაქციის მეორე სტადიაში და აინჰიბირებს პროსტოგლანდინის D2 სინთეზს.
ცეტირიზინი ამცირებს კაპილარების გამტარობას, ახდენს ქსოვილების შეშუპების განვითარების პრევენციას, ხსნის გლუვი მუსკულატურის სპაზმებს. დამთრგუნველად მოქმედებს ცნს-ზე. ცეტირიზინი არ იწვევს სედაციას, არ აქვეითებს ყურადღების კონცენტრაციას, ფსიქომოტორულ და კოორდინაციის ფუნქციებს. არ შედის ურთიერთობაში ალკოჰოლურ სასმელებთან, არ ზრდის მათი ზემოქმედების გამოხატულებას.

პრეპარეატის ფარმაკოკინეტიკა:
აბსორბცია:
ორალური მიღების შემდეგ ყველაზე მაღალი კონცენტრაციაპლაზმაში (T მაქს) 1 საათში მიიღწევა. სხვადასხვა წამლის ფორმების (სიროფი და ტაბლეტები) ნახევრადდაშლის პერიოდი თითქმის ერთნაირია. აღნიშნულია ცეტირიზინის ხაზოვანი ფარმაკოკინეტიკა დოზისას 5-60 მგ. ჭამის დროს მიღებისას ცვლილება არ აღინიშნება, მაგრამთ მაქს. 1.7 საათით ხანგრძლივდება, ხოლო ჩმაქს. (მაქსიმალური პლაზმური კონცენტრაცია) 23%-ით მცირდება.

განაწილება:
მისი პლაზმის პროტეინებთან შეერთების ხარისხი 93%-ია. რომელიც კონცენტრაციისას 25-1000 ნგ/მლ ინტერვალში არ იცვლება. თერაპიული პლაზმური კონცენტრაცია ამ ინტერვალშია.

მეტაბოლიზმი:
ცეტირიზინის ორალური დოზის 70% თირკმელებით ექსკრეტირდება, ხოლო 10% განავალთან ერთად. მიღებული დოზის 50% უცვლელი სახით ექსკრეტირდება. ოქსიდაციური 0-დეალკილირებით ცეტირიზინის ძალიან უმნიშვნელო რაოდენობა მეტაბოლიტად გარდაიქმნება. ამ მეტაბოლიტის ანტიჰისტამინური მოქმედება უმნიშვნელოა.

გამოყოფა: ცეტირიზინის ნახევრადგამოყოფის პერიოდი 8.3 საათს შეადგენს. საერთო კლირენსი ორგანიზმში 53 მლ/წთ-ს შეადგენს.

ფარმაკოკინეტიკა ცალკეულ ჯგუფებში:
პედიატრიული ავადმყოფები: ცეტირიზინის ტოტალური კლირენსი პედიატრიული ავადმყიფების ორგანიზმში უფრო მაღალია, ხოლო ნახევრადდაშლის პერიოდი უფრო ხანმოკლე.

გერიატრიული ავადმყოფები: ცეტირიზინის ნახევრადდაშლის პერიოდი გერიატრიულ ავადმყოფებში 50% შეადგენს, ხოლო ტოტალური კლირენსი ორგანიზმში 40%-ით მცირდება. სავარაუდოა, რომ ხანდაზმულ პაციენტებში ამ ცვლილების მიზეზს რენული ფუნქციის დაქვეითება წარმოადგენს. დოზირების რეჟიმის კორექცია აუცილებელია 77 წელზე უფროსი ასაკის პაციენტებში.
ავადმყოფები თირკმელების უკმარისობით: ცეტირიზინის ფარმაკოკინეტიკა ავადმყოფებში თირკმელების უკმარისობით არ განსხვავდება ნორმალური პაციენტების ფარმაკოკინეტიკისაგან (კრეატინინის კლირენსი 42-77 მლ/წთ) პაციენტებში თირკმელების ფუნქციის საშუალო ხარისხის დაქვეითებით (კრეატინინის კლირენსი 11-31 მლ/წთ) ნახევრადდაშლის პერიოდი 3-ჯერ იზრდება, ხოლო კლირენსი 70%-ით მცირდება. ერთი ჰემოდიალიზის შემთხვევაში შესაძლებელია სისხლიდან დოზის მხოლოდ 10%-ის გამოყოფა.
პაციენტებში თირკმელებისსაშუალო და მძიმე უკმარისობით, ასევე ჰემოდიალიზზე მყოფ პაციენტებში აუცილებელია დოზების რეჟიმის კორექცია.

ავადმყოფები ღვიძლის უკმარისობით: ავადმყოფები ღვიძლის ქრონიკულიუკმარისობით ნახევრადდაშლის პერიოდი 50%-ით ხანგრძლივდება, ხოლოკლირენსი 40%-ით მცირდება. ავადმყოფებში ღვიძლის უკმარისობით აუცილებელია დოზების რეჟიმის კორექცია.

ჩვენებები:

  • წლიური და სეზონური ალერგიული რინიტი,
  • ალერგიული კონიუნქტივიტი,
  • ქრონიკული ჭინჭრის ციება,
  • იდიოპათიური ჭინჭრის ციება.

უკუჩვენებები

ჰიპერმგრძნობელობა პრეპარატის აქტიური და დამხმარე ნივთიერებების მიმართ.
განსაკუთრებული მითითებები და სიფრთხილის ზომები:

  • პაციენტებმა, რომლებიც იღებენ ცეტირიზინს, თავი უნდა შეიკავონ ალკოჰოლისა და სადაციურიპრეპარატების გამოყენებისაგან, ვინაიდან ამ დროს აღინიშნება ძილიანობა და ფსიქომოტორული რეაქციების სისწრაფის დაქვეითება.
  • ავადმყოფებში თირკმლისა და ღვიძლის უკმარისობით აუცილებელია დოზირების რეჟიმის კორექცია.

გამოყენება პედიატრიაში:
2 წელზე უფროსი ასაკის ბავშვებში ცეტირიზინის გამოყენების უსაფრთხოება და ეფექტურობა დადგენილია.

გამოყენება ორსულობის პერიოდში: კატეგირია B
ორსულობის პერიოდში პრეპარატის გამოყენებისუსაფრთხოების შესახებ მონაცემები წარმოდგენილი არ არის. საცდელ ცხოველებში ტერატოგენობა ან ემბრიოტოქსიკურობა დადგენილი არ არის. ორსულობის დროს ცეტირიზინის განოყენება არ შეიძლება.
გამოყენება ორსულობის პერიოდში;
ცეტირიზინი დედის რძესთან ერთად გამოიყოფა. ლაქტაციის პერიოდში ალეროლის გამოყენების აუცილებლობის შემთხვევაში ძუძუთი კვება უნდა შეწყდეს.
ზეგავლენა ავტოტრანსპორტის მართვისა და მექანიზმებთან მუშაობის უნარზე:
ვინაიდან ზოგიერთ პაციენტში პრეპარატის გამოყენების Fფონზე შესაძლებელია ძილიანობა, მკურნალობის დასაწყისში აუცილებელია სიფრთხილის დაცვა ავტოტრანსპორტის მართვისა და საქმიანობის იმ სახეობებით დაკავების დროს, რომელიც საჭიროებს ფსიქომოტორული რეაქციების სისწრაფეს.

გვერდითი მოქმედებები:
ცალკეულ შემთხვევებში შესაძლებელია სისუსტე, თავბრუსხვევა, დაღლილობა, შაკიკი, სიმშრალე პირში, ვერტიგო, თავის ტკივილი. გვერდითი ეფექტები ვითარდება იშვიათად და ჩვეულებრივ სუსტად გამოხატული და გარდამავალი ხასიათისაა.
მოულოდნელი ეფექტის შემთხვევაში აუცილებელია ექიმთან კონსულტაცია.

სხვა წამლებთან ურთიერთქმედება:
ცეტირიზინის სხვა სამკურნალო საშუალებებთან (ფსევდოეფედრინი, ერითრომიცინი, აზითრომიცინი და კეტაკონაზოლი) კლინიკურად მნიშვნელოვანი ურიერთქმედებები დადგენილი არ არის. თეოფოლინთან (400 მგ დღეში) ცეტირიზინის (20 მგ) 3 დღის განმავლობაში ერთად გამოყენებისას ადგილი აქვს ცეტირიზინის საერთო კლირენსის 16%- ით დაქვეითებას (თეოფილინის კინეტიკა არ იცვლება).
სედაციურ პრეპარატებთან ერთად განოყენებისას საჭიროა სიფრთხილის დაცვა.

გამოყენების წესი და დოზები:

  • შიგნით მიღება, საკვების მიღების მიუხედავად, დაუღეჭავად და მცირე რაოდენობით წყლის მიყოლებით, სასურველია საღამოს. მოზრდილებსა და 12 წელზე უფროსი ასაკის ბავშვებში- 1 ტაბლეტი (10 მგ) დღეში ერთხელ. სიმპტომების მიხედვით სადღეღამისო დოზა 5 და 10 მგ- შორის მერყეობს.
  • 6-11 წლის ბავსვებში-1 ტაბლეტი (10 მგ) დღეში ერთელ ან ½1/2 ტაბლეტი (5 მგ) დღეში 2-ჯერ.
  • 2-5 წლის ბავშვებში 2.5 მგ (1/4 ტაბლეტი) დღეში ერთხელ.

დოზირების რეჟიმი ავადმყოფებში თირკმლისა და ღვიძლის უკმარისობით:
ავადმყოფებში (მოზრდილებსა და 12 წელზე უფროსი ასაკის ბავშვებში) თირკმლის ზომიერი უკმარისობით (კკ 11-31 მლ/წთ), დიალიზზე მყოფ პაციენტებში (კკ < 7 მლ/ წთ) და პაციენტებში ღვიძლის ფუნქციის დარღვევებით პრეპარატი ინიშნება 5 მგ/დღე დოზით. 6-11 წლის ბავშვებში თირკმლისა და ღვიძლის უკმარისობით რეკომენდებულია პრეპარატის მიღება ყველაზე მინიმალური დოზით.
-6 თვემდე ასაკის ბავშვებში ცეტირიზინის გამოყენების უსაფრთხოება და ეფექტურობა დადგენილი არ არის. 2.5 მგ- მდე დოზის საიმედოობის შესახებ ინფორმაციის არარსებობის გამო ამ ასაკობრივ ჯგუფში ალეროლის გამოყენება არ შეიძლება.
გერიატრიული ავადმყოფები: 77 წელზე უფროსი ასაკის პაციენტებში ინიშნება დოზით 5 მგ/დღე.

ჭარბი დოზა:
ტარდება კუჭის ამორეცხვა, ინიშნება გააქტივებული ნახშირი და საფაღარათე საშუალებები. აუცილებელია გულ-სისხლძარღვთა და სასუნთქი სისტემების კონტროლი. საჭიროების შემთხვევაში ტარდება სიმპტომური თერაპია. სპეციალური ანტიდოტი არ არსებობს. ჰემოდიალიზი არაეფექტურია.

შენახვის პირობები
პრეპარატი ინახება არაუმეტეს 25˚С ტემპერატურაზე, ბავშვებისათვის მიუწვდომელადგილას.

გამოშვების ფორმა და შეფუთვის შიგთავსი:
ალეროლი10 მგ შემოგარსული ტაბლეტები ბლისტერულ შეფუთვაში.
ვარგისიანობის ვადა
2 წელი

გაცემის პირობები:
რეცეპტით.
ლიცენზიის მფლობელი:
კომპანია მიუნირ შაჰინ ილაჩ სანაი ვე ტიჯარეტ ა.შ.
იუნუს მახ.სანაი ჯად. №22
34873, კარტალი, ქ. სტამბული.
წარმოების ადგილი:
კომპანია ბიოფარმა ილაჩ სანაი ვე ტიჯარეტ ა.შ.
აკპინარ მახ. ფატიხ ჯად. #17
სამანდირა, კარტალი, ქ. სტამბული. თურქეთი