მედიკამენტები, გეა

კეტოტიფენი / KETOTIFEN

KETOTIFENUM
Warsaw pharmaceuticalworks POLFA, პოლონეთი
შემადგენლობა და გამოშვების ფორმა
ტაბლეტები: შეფუთვაში 30 ც.
1 ტაბ.
კეტოტიფენი – 1 მგ
(1,38მგ კეტოტიფენის ჰიდროფუმარატი)
დამხმარე ნივთიერებები:
მაგნიუმის სტეარატი, სიმინდის სახამებელი, კალციუმის ჰიდროფოსფატი უწყლო.
კლინიკურ-ფარმაკოლოგიური ჯგუფი
ანტიჰისტამინური საშუალება
ფარმაკოლოგიური მოქმედება
კეტოტიფენი ანტიჰისტამინური პრეპარატია, რომელიც ანტაგონისტურად მოქმედებს H1 რეცეპტორების მიმართ. სამკურნალო საშუალება თრგუნავს ანთებით რეაქციაში მონაწილე უჯრედებს.

ჩვენებები

  • ბრონქული ასთმის პროფილაქტიკისა და მკურნალობისათვის;
  • ალერგიული დაავადებების სიმპტომური მკურნალობის მიზნით, მათ შორის ცხვირის ლორწოვანი გარსისა და კონიუნქტივის ანთებების დროს.

კეტოტიფენი სისტემატიურად უნდა გამოიყენებოდეს სამკურნალო საშუალების გამოხატული თერაპიული ეფექტი ვლინდება რამოდენიმე კვირის განმავლობაში გამოყენების შემდეგ.
შენიშვნა: მწვავე ალერგიული რეაქციისა და ასთმის დროს ხუთვის შეტევების მკურნალობისას სამკურნალო პრეპარატი არაეფექტურია.

დოზირების რეჟიმი
კეტოტიფენის გამოყენება უნდა მოხდეს ექიმის მითითებების მიხედვით.

მოზრდილები:
1 ტაბლეტი (1 მგ) ყოველ 12 საათში ჭამის დროს დილას და საღამოს.
საჭიროების შემთხვევაში შეიძლება 2 მგ კეტოტიფენის მიღება დღეში ორჯერ.
3 წელზე უფროსი ასაკის ბავშვები:
1 ტაბლეტი (1 მგ) ყოველ 12 საათში ჭამის დროს დილას და საღამოს.
უმცროსი ასაკობრივი ჯგუფის ბავშვებში კეტოტიფენის გამოყენება რეკომენდებულია სიროფის ფორმით.
დოზირების შერჩევა ხდება პაციენტის საპასუხო რეაქციის შესაბამისად.
სამკურნალო საშუალების მიღება უნდა მოხდეს ჭამის დროს.
შენიშვნა: სამკურნალო საშუალების გამოხატული სედაციური ეფექტის შემთხვევაში, განსაკუთრებით პრეპარატის გამოყენების პირველ დღეებში, სადღეღამისო დოზა უნდა განახევრდეს და მისი მიღება უნდა მოხდეს მხოლოდ საღამოს.

კეტოტიფენის დოზის გამოტოვების შემთხვევაში:
სამკურნალო საშუალების გამოტოვებული დოზის მიღება უნდა მოხდეს შეძლებისდაგვარად სწრაფად.
კეტოტიფენის გამოყენება პაციენტებში ღვიძლის ფუნქციის დარღვევებით:
პაციენტებში ღვიძლის ფუნქციის დარღვევებით სამკურნალო საშუალების მიღების დროს აუცილებელია განსაკუთრებული სიფრთხილის დაცვა
იმ შემთხვევაში, თუ გაჩნდა ეჭვი, რომ კეტოტიფენის მოქმედება ძალიან ძლიერი ან ძალიან სუსტია, აუცილებელია ექიმთან მიმართვა.

გვერდითი მოვლენები
ნებისმიერი სამკურნალო საშუალების მსგავსად, კეტოტიფენს შეუძლია გვერდითი მოქმედებების გამოწვევა.
სერიოზული გვერდითი მოქმედებების განვითარების შემთხვევაში, სამკურნალო საშუალება დაუყოვნებლივ უნდა მოიხსნას.
ყველა ხშირად ვლინდება გამოხატული სედაციური ეფექტი, ძილიანობა, პირის ღრუს ლორწოვანი გარსების სიმშრალე, თავბრუსხვევა. ეს სიმპტომები მცირდება სამკურნალო საშუალების გამოყენების გარკვეული პერიოდის შემდეგ.
კეტოტიფენი შეიძლება იყოს მომატებული მადის მიზეზი.
პერიოდულად აღინიშნებოდა ასთმის სიმპტომების მომატება, ცენტრალური ნერვული სისტემის აგზნების სიმპტომები, ასევე კანის მძიმე რეაქციები (მაგალითად, პოლიმორფული ერითემა).
ზოგიერთ პაციენტს კეტოტიფენის გამოყენებისას შეიძლება გამოვლინდეს სხვა გვერდითი მოქმედებები. ასეთ შემთხვევაში საჭიროა ექიმთან მიმართვა.
უკუჩვენებები

  • ჰიპერმგრძნობელობა კეტოტიფენის ან პრეპარატის სხვა კომპონენტების მიმართ;
  • თუ მასთან ერთად გამოიყენება პერორალური ჰიპოგლიკემიური საშუალებები.

განსაკუთრებული სიფრთხილე:
კეტოტიფენით მკურნალობის საწყის პერიოდში ადრე გამოყენებადი ასთმის საწინააღმდეგო პრეპარატების, განსაკუთრებით კორტიკოსტეროიდების მიღების უცებ შეწყვეტა არ შეიძლება, ვინაიდან შეიძლება განვითარდეს თირკმელზედა ჯირკვლების უკმარისობა. ასევე რეკომენდებულია, მკურნალობის პირველ კვირებში კორტიკოსტეროიდების თანდათან, ხანგრძლივი დროის განმავლობაში მოხსნა.
აუცილებელია პაციენტზე მეთვალყურეობა, რათა გასათვალისწინებელია კრუნჩხვების განვითარების შესაძლებლობა.
სამკურნალო საშუალების გამოყენებისას ალკოჰოლის მიღება არ შეიძლება.
კანზე ტესტების სავარაუდო ჩატარებამდე კეტოტიფენი უნდა მოიხსნას 10-14 დღით ადრე.

ორსულობა და ლაქტაცია

ორსულობა
სამკურნალო საშუალების გამოყენებამდე აუცილებელია ექიმთან მიმართვა.
სამკურნალო საშუალების გამოყენება ორსულობის დროს მხოლოდ იმ შემთხვევებში შეიძლება, როდესაც სარგებელი დედისათვის აღემატება პოტენციურ რისკს ნაყოფისათვის.

ლაქტაცია
სამკურნალო საშუალების გამოყენება ლაქტაციის პერიოდში რეკომენდებული არ არის. მეძუძური დედის მიერ პრეპარატის გამოყენების აუცილებლობის შემთხვევაში ლაქტაცია უნდა შეწყდეს.

განსაკუთრებული მითითებები
ავტოსატრანსპორტო საშუალებების მართვა და მექანიზმებთან მუშაობა
სამკურნალო საშუალებას შეუძლია ფსიქომოტორული რეაქციის მოშლა, გამოყენების პერიოდში არ შეიძლება ავტოსატრანსპორტო საშუალებების მართვა და მექანიზმებთან მუშაობა.

ჭარბი დოზირება
შესაძლოა გამოვლინდეს ჭარბი დოზის სიმპტომები: ფსიქიკური შრომისუნარიანობის მოშლა, ძილიანობა, თავის ტკივილი, დეზორიენტაცია, ტაქიკარდია, არტერიული წნევის დაქვეითება, კომა (განსაკუთრებით ბავშვებში), კრუნჩხვები, არითმია.
მკურნალობა მიმართულია სამკურნალო საშუალების ორგანიზმიდან გამოდევნაზე. საჭიროა ღებინების გამოწვევა და კუჭის ამორეცხვა (თუ სამკურნალო საშუალების მიღებიდან ერთ საათზე მეტი არ არის გასული) .

უნდა ჩატარდეს სიმპტომური მკურნალობა.
ჭარბი დოზის მიღების შემთხვევაში აუცილებელია დაუყოვნელივ ექიმთან მიმართვა.

სხვა წამლებთან ურთიერთქმედება
სამკურნალო საშუალებები სედაციური, სედაციურ-საძილე მოქმედებით, ანტიჰისტამინური პრეპარატები, ასევე ალკოჰოლი, აძლიერებს კეტოტიფენის დამთრგუნველ მოქმედებას ცენტრალურ ნერვულ სისტემაზე.
კეტოტიფენის გამოყენებამ შეიძლება შეამციროს ბეტა-ადრენომიმეტური პრეპარატების, კორტიკოსტეროიდებისა და მეთილქსანტინის გამოყენების აუცილებლობა.
კეტოტიფენისა და პერორალური ჰიპოგლიკემიური პრეპარატების ერთად გამოყენებამ, შეიძლება გამოიწვიოს თრომბოციტოპენია, ამიტომ კომბინირებული გამოყენება რეკომენდებული არ არის.

შენახვის პირობები და ვადა
პრეპარატი ინახება 15-250 Cტემპერატურაზე, სინათლისა და ნესტისაგან დაცულ ადგილას.
ვარგისიანობის ვადა – 4 წელი.
Warsaw pharmaceuticalworks POLFA