რეფლუქს-ეზოფაგიტი

რეფლუქს-ეზოფაგიტი საყლაპავის ერთ-ერთი ყველაზე ხშირი დაავადებაა.

მისი მიზეზია კუჭის მჟავე შიგთავსის, უფრო იშვიათად – ნაწლავების შიგთავსის, განმეორებითი რეფლუქსი (უკუდინება) ეზოფაგური სპინქტერის ფუნქციის დარღვევის შედეგად.

კუჭის წვენის ზეგავლენით ვითარდება საყლაპავის ანთება, რაც შედეგად იწვევს ეროზიებისა და წყლულების გაჩენას ნაწიბურების შემდგომი განვითარებით.

რეფლუქს-ეზოფაგიტის გამომწვევი მიზეზებია:

საყლაპავის ქვედა სფინქტერის ტონუსის დაქვეითება, მას ხელს უწყობს კუჭში წნევის მატება, რამელსაც იწვევს:

• სიმსუქნე;
• ფეხმძიმობა;
• ასციტი;
• მოჭერილი ნანდაჟი და ქამარი.
• ჭამის შემდეგ კუჭის შიგთავსის რაოდენობის მატება;
• ავადმყოფის მწოლიარე პოზა;
• თამბაქოს წევა;
• დიდი რაოდენობით ალკოჰოლის მიღება;
• ზოგიერთი მედიკამენტი;
• სხვადასხვა დაავადებები:  სკლეროდერმია, მიოპათია და სხვა.

რეფლუქს-ეზოფაგიტის კლინიკური ნიშნებია:

• გულძმარვა – იგი წამყვანი ნიშანია, რომელიც ძლიერდება ჰორიზონტალურ მდგომარეობაში;
• დისფაგია (ყლაპვის გაძნელება);
• ოდინოფაგია (ტკივილი ყლაპვის დროს);
• სისხლდენა – თუ სისხლდენა ხშირია შესაძლოა განვითარდეს ანემია;
• ლარინგიტი – პირის ღრუსა და სასის ხანგრძლივი გაღიზიანრების შედეგად ვითარდება;
• დილაობით ხმის ჩახლეჩვა;

რეფლუქს-ეზოფაგიტის დიაგნოსტიკისთვის გამოიყენება:

• ანამნეზი;
• რენტგენოლოგიური გამოკვლევა;
• აციდრეფლუქსის ტესტი.

მკურნალობისთვის აუცილებლად მიმართეთ ექიმს, რომელიც განსაზღვრავს თქვენთვის საჭირო მკურნალობის ტაქტიკას.