მედიკამენტები, მედა

სინკუმარი / SYNCUMAR

სინკუმარი/SYNCUMAR
პრეპარატის სამედიცინო გამოყენების ინსტრუქცია
პრეპარატის სავაჭრო სახელწოდება: სინკუმარი
საერთაშორისო არაპატენტირებული სახელწოდება: აცენოკუმაროლი
შემადგენლობა
1 ტაბლეტი შეიცავს: აქტიურ ინგრედიენტს აცენოკუმაროლს 2მგ, არააქტიურ ინგრედიენტებს ლაქტოზას, სახამებელს, ტალკს, ჟელატინს, მაგნიუმის სტეარატს.
აღწერილობა თეთრი, უსუნო, ბრტყელი და მრგვალი ტაბლეტები დაქანებული კიდეებით. ერთ ზედაპირზე წარწერაSYNCU ,მეორე ზედაპირზე გამყოფი ნაჭდევი. განატეხის ზედაპირი თეთრი.
ფარმაკოთერაპიული ჯგუფი არაპირდაპირი ანტიკოაგულანტი (ვიტ. K-ს ანტაგონისტი)kodi ATX [BO1AA07]
ფარმაკოლოგიური თვისებები
აცენოკუმაროლი არის არაპირდაპირი მოქმედების ანტიკოაგულანტი ვიტამინ K-ს ანტაგონისტი დიოქსიკუმარინის წარმოებული. აცენოკუმაროლი არღვევს სისხლის შედედების 11 (პროთრომბინი), V11, 1X და X ფაქტორების სინთეზს. მაქსიმალური ეფექტიმიიღწევაწამლის მიღებიდან 3-5 დღის შემდეგ, რადგან ამ დროის მანძილზე სისხლში ჯერ კიდევ ცირკულირებს პროთრომბინული კომპლექსის აქტიური ფაქტორები. პროთრომბინის დროის გახანგრძლივება მკურნალობის პირველ დღეს გამოწვეულია V11 ფაქტორის აქტივობის დაქვეითებით, რომლის ნახევარგამოყოფის პერიოდი შეადგენს 4-6 სთ. შემდგომ ხდება ფაქტორ 1X-ის, რომლის ნახევარგამოყოფის პერიოდია 20-24სთ, ფაქტორ X-ის (ნეხავარგამოყოფის პერიოდი 48-76სთ) და პროთრომბინის (ნახევარგამოყოფის პერიოდი 72-100სთ) აქტივობის შემცირება.
ფარმაკოკინეტიკააცენოკუმაროლი კარგად შეიწოვება კუჭ-ნაწლავის ტრაქტიდან. სისხლში მაქსიმალური კონცენტრაცია აღინიშნება 3 სთ-ში. პლაზმის ცილებთან შეკავშირდება მიღებული მედიკამენტის 98%. პრეპარატის ნახევარგამოყოფის პერიოდი შეადგენს დაახლოებით 8-9სთ. აცენოკუმაროლი მეტაბოლიზდება ღვიძლში. მიღებული მედიკამენტის 60% გამოიყოფა შარდით ძირითადად მეტაბოლიტების სახით. დანარჩენი რაოდენობა გამოიყოფა განავალთან ერთად. პროთრომბინის დროის გახანგრძლივება და პროთრომბინის ინდექსის გაზრდა არ არის დამოკიდებული სისხლში აცენოკუმაროლის კონცენტრაციასთან.
ჩვენებები მიღებისთვის
თრომბოზი, თრომბოფლებიტი, მიოკარდიუმის ინფარქტის თრომბოემბოლური გართულებები, სხვადასხვა ორგანოს ემბოლიები (პროფილაქტიკა და მკურნალობა). თრომბოემბოლური გართულებების ასაცილებლად პოსტოპერაციულ პერიოდში.
უკუჩვენებები
ჰემორაგიული დიათეზები და სისხლის შედედების დაქვეითებით მიმდინარე სხვა დაავადებები, თირკმლების უკმარისობა, ღვიძლის ფუნქციის გამოხატული დარღვევა, არტერიული ჰიპერტონია, ავთვისებიანი სიმსივნეები, დიაბეტური რეტინოპათია,ფიზიკური გადაღლა, ჰიპოპროთრომბინემია (70%-ზე ნაკლები), K დაC ჰიპოვიტამინოზი, სისხლდენა ღია ჭრილობებიდან, წყლულოვანი დაავადება, წყლულოვანი კოლიტი, ჰემორაგიული ინსულტი,(პირველი 2 თვე), ორსულობა, ლაქტაცია, მოსალოდნელი აბორტი, მშობიარობის შემდგომი ეკლამფსია და პრეეკლამფსია, გახანგრძლივებული ენდოკარდიტი, პერიკარდიტი, აორტის განმშრევებელი ანევრიზმა, პოსტოპერაციულ პერიოდში ოფტალმოლოგიაში, ნევროლოგიაში და სტომატოლოგიაში, ლუმბალური პუნქციის, ორგანოთა ბიოფსიისა და აორტის პუნქციის შემდეგ 4 დღის მანძილზე..
გამოყენების წესი და დოზა
პრეპარატი გამოიყენება შიგნით მისარებად. წამლის დოზა დგინდება ინდივიდუალურად სისხლის შედედების მონაცემების მიხედვით. პირველ დღეს დოზა არის 6-8მგ, შემდგომ 4მგ პროთრომბინის დროის კონტროლით, რომელიც უნდა იყოს 2.0 3.5ფარგლებში. მიღების სიხშირე-ერთხელ დღეში ერთსადაიმავე დროს.
გვერდითი მოქმედება
გულისრევა, დიარეა, ალოპეცია, თავის ტკივილი, ალერგიული რეაქციები კანზე გამონაყრისა და კვინკეს შეშუპების სახით, ჰემორაგიები კანზე და ლორწოვან გარსებში (გამოვლინების სიხშირის მიხედვით) ჰემატურია, ღრძილებიდან სისხლდენა, პეტექია, პოსტტრავმული ჰემატომა, მელენა, მეტრორაგია, ჰემართროზი, ჰემორაგიული ინსულტი. ძალზე იშვიათად შეიძლება განვითარდეს იასამნისფერი ტერფის სინდრომი და კანისა და კანქვეშა ქსოვილის ნეკროზი, რისი მიზეზიც შეიძლება იყოს ქოლესტერინული მიკროთრომბები. აღნიშნული გართულება ვლინდება პრეპარატის ხანგრძლივად რამდენიმე კვირის მანძილზე მიღების შემდეგ და ვითარდება ლურჯი ჰიპერპიგმენტაცია და ტკივილი ტერფისა და დიდი თითების არეში, ჰიპერპიგმენტაცია ქრება ზეწოლის დროსან კიდურის ზემოთ აწევისას. კანის ნეკროზს დასაწყისში აქვს ერითემის ან პაპულოზური გამონაყრის სახე, რომელიც აღინიშნება მკერდზე, ბარძაყებზე და დუნდულებზე, შეიძლება იყოს ზემო კიდურებზე, სახეზე და სასქესო ორგანოებზე. ნეკროზისნიშნების განვითარებისთანავე საჭიროა პრეპარატის მოხსნა და ვიტამინ K და ჰეპარინის დანიშვნა, რომლებსაც შეუძლიათ სრული ნეკროზის თავიდან აცილება. მოხსნის სინდრომი თრომბების წარმოქმნის გაძლიერების რისკი.
დოზის გადაჭარბება
ჭარბი დოზირების დროსუფრო ხშირად აღინიშნება ჰემორაგიული დიათეზი და სისხლნაჟღენთები, სისხლდენა ცხვირიდან და ღრძილებიდან, გახანგრძლივებული სისხლდენა ზედაპირული ჭრილობებიდან, ჰემატურია და მენორაგია.
ჰემორაგიული სინდრომისა და გახანგრძლივებული პროთრომბინის დროის არსებობისას საჭიროა ვენაში ნელა 5-10მგ ვიტამინ K (ფიტომენადიონის) შეყვანა. საშიში სისხლდენის შემთხვევაში კი დამატებით შეყავთ ვენაში პლაზმა 10-15მლ/კგ ან ფაქტორ V11 შემცველი პროთრომბინის კომპლექსის კონცენტრატი.
ურთიერთქმედება სხვა სამკურნალო ნივთიერებებთან
მოქმედების გაძლიერებას იწვევენ: ალოპურინოლი, ამიოდარონი, ანტიბიოტიკები, აზაპროპაზონი, ქინიდინ სულფატი, ქლორალჰიდრატი, ქლორპრომაზინი, ციმეტიდინი, დექსტროთიროქსინი, დისულფირამი, ფენოფიბრატი, ფენილბუტაზონი, გლუკაგონი, იბუპროფენი, ინდომეტაცინი, მაო-ს ინჰიბიტორები, კლოფიბრატი, აცეტილსალიცილის მჟავა (ასპირინი), ეთაკრინის მჟავა, მეფენამის მჟავა, ლოვასტინი, ნატრიუმის მეთამიზოლი (ანალგინი), მეტრონიდაზოლი, მეთილდოპა, მიკონაზოლი, ნაპროქსენი, პენტოქსიფილინი, პროპაფენონი, სალიცილატები, ანაბოლური ჰორმონები, სულფინპირაზონი, ხანგრძლივად მოქმედი სულფანილამიდები (ტრიმეტროპინი, სულფამეთოქსაზოლი), ტამოქსიფენი, საინჰალაციო სანარკოზე საშუალებები.
მოქმედებას ასუსტებენ: ამინოგლუტეთიმიდი, პერორალური კონტრაცეპტივები, ბარბიტურატები, ქლორდიაზეპოქსიდი, ფენიტოინი, გრიზეოფულვინი, ჰალოპერიდოლი, კარბამაზეპინი, კოლესტიპოლი, მეპრობამატი, მერკაპტოპურინი, რიფამპიცინი, სუკრალფატი, ასკორბინის მჟავა (ვიტამინი ჩ ), მენადიონის ნატრიუმის ბისულფატი (ვიტამინი K ), ანტიჰისტამინური საშუალებები.
ალკოჰოლს, დიურეტიკებს (მაგ, ფუროსემიდს) და რანიტიდინს შეუძლიათ როგორც გააძლიერონ, ასევე შეასუსტონ აცენოკუმაროლის მოქმედება.
აცენოკუმაროლი აძლიერებს სულფანილშარდოვანას წარმოებულების (ქლორპროპამიდი, ტოლბუტამიდი) და ეპილეფსიის საწინააღმდეგო საშუალებების (ფენიტოინი, ფენობარბიტალი) მოქმედებას.
აცენოკუმაროლის მოქმედება სუსტდება ვიტამინ K-თიმდიდარი საკვების (ბროკოლი, ყვავილოვანი კომბოსტო, მწვანე ბარდა, კომბოსტო, სალათა, ისპანახი, ღვიძლი, სოიოს მარცვალი) მიღების შემდეგ.
აცენოკუმაროლის მიღებისას განვითარებული ტკივილის მოსახსნელად საუკეთესო საშუალებაა პარაცეტამოლი, რადგან არასტეროიდული ანთების საწინააღმდეგო საშუალებები აძლიერებენ აცენოკუმაროლის ანტითრომბოზულ მოქმედებას.
თუ ავადმყოფი იღებს ზემოთ ჩამოთვლილ რომელიმე მედიკამენტს ან სხვა პრეპარატს, რომლის ურთიერთქმედება აცენოკუმაროლთან უცნობია, აუცილებელია ინდივიდუალური დოზის შერჩევის მიზნით ხშირად კონტროლდებოდეს პროთრომბინის დრო.
განსაკუთრებული მითითებები
აუცილებელია გაკონტროლდეს სისხლში პროთრომბინის შემცველობა და პროთრომბინის ინდექსი(პროთრომბინის დრო არ უნდა იყოს 4-ზე მეტი), შარდის საერთო ანალიზი, ავადმყოფმა უნდა იცოდეს სისხლდენის საშიშროების შესახებ და ექიმთან შეათანხმოს სხვა წამლების მიღება. ხანდაზმულ პაციენტებს (განსაკუთრებით გამოხატული ათეროსკლეროზითა და გულის უკმარისობით) კონტროლი უნდა ჩაუტარდეთ უფრო ხშირად წამლის დოზის შემცირების საჭიროების დასადგენად. ავადმყოფებს, რომლებიც იღებენ აცენოკუმაროლს უმჯობესია არ გაუკეთდეთ კუნთშიდა ინექციები, ხოლო თუ ეს აუცილებელია ინექცია უნდა გაკეთდეს ზემო კიდურზე, სადაც სისხლდენა ადვილი დასადგენი და იოლი შესაჩერებელია. პრეპარატის მიღება შეწყვეტილ უნდა იქნეს გეგმიურ კბილის ამოღებამდე 2-3 დღით ადრე და პროთრომბინის დრო არ უნდა იყოს 1.5-ზე მეტი. სასწრაფო ოპერაციის აუცილებლობის შემთხვევაში შესაძლებელია ვენაში 5-10მგ ვიტამინ K შეყვანა, რაც ჩვეულებრივ პროთრომბინის დროს დაიყვანს 1.5მდე 24სთ განმავლობაში.
აცენოკუმაროლით მკურნალობისას აუცილებელია ყურადღების მიქცევა ავადმყოფის მდგომარეობასა და სისხლის შედედების სისტემის ცვლილებებზე. სისხლდენის საშიშროების შემთხვევაში პრეპარატი უნდა მოიხსნას
აცენოკუმაროლის მიღების მოთხოვნილება მატულობს ჰიპოთირეოზის, ჰიპერლიპიდემიის, ვიტამინი K ჭარბად მიღების, ნეფროზული სინდრომისა და შეშუპების დროს.
მოთხოვნილება მცირდება შიმშილის, ღვიძლის და თირკმლების დაავადებების დროს წარმოქმნილი ჰიპოალბუმინემიის, დიარეის, შეწოვის დარღვევის სინდრომის, ჰიპერთირეოზის, ცხელების და სისხლის მიმოქცევის დარღვევით გამოწვეული შეშუპების დროს.
პროთრომბინის დროის მკვეთრი გახანგრძლივების შემთხვევაში ჰემორაგიის არ არსებობის დროს აცენოკუმაროლის მიღება არ არის რეკომენდებული. ყოველდღიურად უნდა გაკონტროლდეს პროთრომბინის დრო და შესაძლოა დაინიშნოს ვიტამინი K ტაბლეტებში 2.5-5მგ.
გამოშვების ფორმა
ტაბლეტები 2მგ. 10 ტაბლეტი ბლისტერში.
5 ბლისტერი მოთავსებულია მუყაოს კოლოფში გამოყენების ინსტ¬რუქ¬ციასთან ერთად.
შენახვის პირობები
სია ა.ბავშვებისთვის მიუწვდომელ ადგილას, 300ჩ ტემპე¬რატურამდე.
შენახვის ვადა
5 წელი. არ გამოიყენება შენახვის ვადის ამოწურვის შემდეგ.
აფთიაქიდან გაცემის პირობები
რეცეპტით
მწარმოებელი
აი სი ენ უნგრეთი სსუნგრეთი
H-4440ქ. ტისავასშვარის.ყ.1, უნგრეთი