სასარგებლო რჩევები, სიახლეები

როგორ მოქმედებს მარიხუანა თქვენს ტვინზე, ორგანიზმსა და სქესობრივ ცხოვრებაზე

ბოლო პერიოდში აქტუალური გახდა საქართველოში მარიხუანას ლეგალიზაციასა და მისი კულტივაციის შესახებ საკითხი.

„ჯანმრთელობაინფო“ მოგაწვდით ინფორმაციას, თუ რა გავლენას ახდენს მარიხუანას რეგულარული მოხმარება ადამიანის ორგანიზმზე, ფსიქიკურ ჯამრთელობასა და სქესობრივ ცხოვრებაზე.

გთავაზობთ ინფორმაციას, გამოკვლევების მიხედვით, როგორ მოქმედებს მარიხუანა კონკრეტული ორგანოების ფუნქციონირებასა და რა რისკები არსებობს მათთვის ვინც მას რეგულარულად ეწევა.

  • ცნობისთვის, მარიხუანა კანაფის გამხმარი, დაფხვნილი ფოთლებისა და ყვავილებისგან მზადდება. მის შემადგენლობას წარმოადგენს –  ტჰდ (ტეტრაჰიდროკანაბინოლო – tetrhydrocannabinol). ზუსტად ეს ქიმიური ნივთიერება მოქმედებს ფსიქიკაზე და იწვევს რეაქციებს. 

სარგებელი და ზიანი ფილტვებისთვის

გამოკვლევების მიხედვით, კანაბისი რესპირატორულ სისტემაზე არც თუ სახარბიელოდ მოქმედებს. თუმცა, მეცნიერთა ერთი ნაწილი თვლის, რომ ტჰდ-ს გააჩნია ანთების საწინააღმდეგო თვისებები, მოწევისას, ღრმად ჩასუნთქვით ხდება ფილტვების გააფართოება. თუმცა, მეცნიერთა მეორე ნაწილი თვლის, რომ კანაფის მოწევას ისეთივე ნეგატიური ეფექტი აქვს, რაც გააჩნია თამბაქოს კვამლს.

კანადელმა მეცნიერებმა დაადგინეს, რომ მარიხუანას კვამლში 20-ჯერ მეტი ამიაკია, ვიდრე ჩვეულებრივი თამბაქოს კვამლში.

2012 წლის გამოკვლევების მიხედვით, მარიხუანას რეგულარულად და ხანგძლივად  გამოყენება ფილტვების ქრონიკულ დაავადებას იწვევს.

მიუხედავად იმისა, რომ ტჰდ ერთის მხრივ ხელს უშლის სიმსივნის ზრდას, კვამლს, რომელიც მარიხუანას მოწევის დროს გამოიყოფა, კანცეროგენული ეფექტი აქვს.

გული

როგორც ცნობილია, მარიხუანას მოწევა გულისცემას აუმჯობესებს, მაგრამ ზოგისთვის ეს დისკომფორტის მიზეზი ან დამღუპველიც კი შეიძლება გახდეს.

ზოგიერთი სპორტსმენი მეტი ეფექტურობისთვის შეჯიბრის, თამაშის დაწყებამდე იყენებს კანაფს. საქმე იმაშია, რომ კანაბიდოილი, რომელიც კანაბისის არაფსიქოაქტიური კომპონენტია, ხელს უშლის მიოზიტის ან ჩონჩხის კუნთების ანთებითი დაზიანების განვითარებას. ეს  მდგომარეობა გამოხატულია კუნთების ტკივილით, რაც ხშირად ემართებათ სპორტსმენებს, რომლებიც მუდმივად ინტენსიურ ფიზიკურ აქტივობას მიყვებიან.

Cannabidiol საშუალებას იძლევა სპორტსმენებმა  სწრაფად მოიხსნან კუნთების და ტრავმების შედეგად მიღებული ტკივილი. მაგრამ არსებობს რისკები, რომლებიც დაკავშირებულია გახშირებულ გულისცემასა და სუნთქვის უკმარისობასთან. აქედან გამომდინარე, შეჯიბრის წინ სპორტსმენებმა მარიხუანის მოწევისგან თავი უნდა შეიკავონ, რათა ვარჯიშის დროს გულის შეტევა არ დაემართოთ.

ტვინი

Cannabis  ტვინის უჯრედებზე ანთების საწინააღმდეგოდ მოქმედებს,  რაც მას განსაკუთრებულად მნიშვნელოვანს  ხდის ალცჰეიმერთან საბრძოლველად და სხვა ნეიროდეგენერაციული დაავადებების წინააღმდეგ.

ბოლო დროს ჩატარებული კვლევებმა აჩვენა, რომ ტჰკ და სხვა კომპონენტები, რომელსაც მარიხუანა შეიცავს, ხელს უწყობს იმ ჭარბი ტოქსიკური პროტეინის, ბეტა-ამილოიდის გამოდევნას, რაც იწვევს ანთებას და ანადგურებს ტვინის ნერვულ უჯრედებს.

აღმოჩენა გახდა ის, რომ კანაბინოიდებს გააჩნიათ იგივე ეფექტი, რაც ენდოკანაბინოიდებს – კავშირებს, რომელსაც ჩვენი ორგანიზმი დამოუკიდებლებად აწარმოებს ტვინში სიგნალების გადასაცემად.

ასევე, მკვლევარებმა გამოავლინეს, რომ ენდოკანაბინოიდები, ისევე როგორც კანაბინოიდები იცავენ ნერვულ უჯრედებს ბეტა-ამილოიდების ჭარბად წარმოქმნისგან.

მეცნიერთა ეს დასკვნები შეიძლება გარღვევა აღმოჩნდეს ალცჰაიმერის საწინააღმდეგო პრეპარატის შექმნის თვალსაზირისით, რომელსაც შეუძლია შეაჩეროს ან შეანელოს მაინც მისი პროცესი.

სექსუალურობა 

მარიხუანა ამაღლებს ლიბიდოს და აუმჯობესებს ორგაზმს, – ასე ფიქრობს სექსოთერაპევტი იენ კერნერი.

ნარკოტიკი საშუალებას აძლევს მომხმარებელს არა მარტო იგრძნოს თავი საკუთარ სხეულში უფრო კომფორტულად, არამედ სტიმულს აძლევს ოქსიტოცინს, რომელიც პასუხისმგებელია სიამოვნების შეგრძნებაზე და  პარტნიორთან ურთიერთობას ხელს უწყობს.

მაგრამ არსებობს ასევე სხვა გამოკვლევები, რომლის მიხედვითაც მარიხუანა მამაკაცის რეპროდუქციულ სისტემაზე ნეგატიურ გავლენას ახდენს.

2015 წელს, მეცნიერებმა დაადგინეს, რომ მარიხუანას რეგულარული მოხმარება (კვირაში ორჯერ ან მეტად) ამცირებს სპერმატოზოიდების რაოდენობას და მათ აქტივობას. გარდა ამისა, კანაბისი შესაძლოა ერექციული დისფუნქციის მიზეზი გახდეს.

ძილი

არსებობს მარიხუანას სახეობები „ინდიკა“ და „სატივა“. დაძინებაში სწორედ დაგეხმარებათ „ინდიკა“ და არა „სატივა“, იმიტომ რომ, პირველი ადუნებს, ხოლო მეორე ასტიმულირებს.

მაგრამ კანაფი, მოქმედებს არა მარტო სწრაფად დაძინებაზე, არამედ ძილის ხარისხზეც. და რა თქმა უნდა, ამ საკითხთან დაკავშირებითაც მეცნიერთა აზრები იყოფა.

მარიხუანა ახანგრძლივებს ე.წ. ნელ დელტა-ძილის მესამე სტადიას, რომლის დროსაც ორგანიზმი მთლიანად მოდუნებულია და ისვენებს, მაგრამ ამავდროულად ანელებს ღრმა დელტა-ძილის მეოთხე სტადიას, როცა სიზმრებს ხედავთ და ტვინი „განახლების“ პროცესშია.

ბუნებრივი ძილის  მუდმივი დარღვევა, სადაც მესამე სტადია მთლიანად ძილის 5-8% გრძელდება, ხოლო მეოთხზე – 10-15%,  საბოლოო ჯამში უძილობას იწვევს.

ასე რომ ყოველ საღამოს, ძილის წინ მარიხუანას მოწევა დაგეხმარებათ დაისვენოთ ფიზიკურად, მაგრამ სამაგიეროდ ვერ აღიდგენთ მენტალურ ძალებს და სიზმრებსაც კი ვერ ნახავთ.

ფსიქიკური ჯანმრთელობა

ადამიანის ორგანიზმის ენდოკანაბინოიდური სისტემა პასუხისმგებელია სტრესისა და შფოთვის დონის რეგულირებაზე. რადგანაც, კანნაბინოიდებს ენდოკანაბინოიდების მსგავსი ეფექტი აქვთ, ამ მხრივ შეიძლება ჩაითვალოს, რომ მარიხუანასაც აქვს დამამშვიდებელი თვისებები.

ტჰდ, რომელიც მცენარის ყველაზე ფსიქოატიური კომპონენტია, თავისი სტრუქტურითა და მოქმედებით ანანდამიდის  (ანანდამიდი – იწვევს ბედნიერების და სიხარულს გრძნობას) ქიმიური ნივთიერების მსგავსია და შფოთვის დონეს ამცირებს.

მაგრამ მარიხუანას გავლენა ადამიანის მენტალურ ჯანმრთელობაზე, არც ისე ცალსახაა.

ძველი კვლევები მიუთითებდნენ იმაზე, რომ ბალახს შეეძლო გამოეწვია მოკლევადიანი პარანოია, ასევე შესაძლოა ფსიქიკური აშლილობის და შიზოფრენიის გამომწვევიც იყოს.  მაგრამ მოგვიანებით ჩატარებულ კვლევების მიხედვით, მეცნიერები ამბობენ, რომ კანაფი არ ზრდის არც ფსიქიკური აშლილობის საგანგაშო სპექტრს, არც აფექტურ მდგომარეობას და დეპრესიას.

თუმცა, 2016 წლის ერთ-ერთი გამოკვლევით დადგინდა, რომ მარიხუანას მუდმივი გამოყენება ზრდის ალკოჰოლზე, ნიკოტინსა და ნარკოტიკებზე დამოკიდებულებას.