ტოქსიკური ჩიყვი

დიფუზური ტოქსიკური ჩიყვი (ასევე ცნობილია, როგორც ფლაიან-ბაზედოვ-გრეივსის დაავადება) ხასიათდება ფარისებრი ჯირკვლის გადიდების ფონზე მისი ფუნქციის არანორმალური გაძლიერებით, კერძოდ თირეოიდულ ჰორმონთა ჭარბი გამომუშავებით. ყველაზე ხშირად ამის მიზეზი აუტოიმუნური დარღვევებია.

დიფუზური ტოქსიური  ჩიყვისთვის დამახასიათებელია:

• ემოციური აგზნებადობის გაძლიერება,
• კიდურებისა და სხეულის კუნთების ცახცახი;
• გაძლიერებული  ოფლიანობა;
• სითბოს  აუტანლობა;
• გულისცემის  სიხშირის  სტაბილური  მატება;
• დეფეკაციის გახშირება;
• სხეულის  მასის  შემცირება;
• საერთო სისუსტე;
• შრომის უნარის მნიშვნელოვნად დაქვეითება;

ცვლილებები მხედველობის ორგანოების  მხრივ:

• თვალის  ნაპრალების გაფართოება;
• ქუთუთოების  შეშუპება;
• თვალის კაკლების წინ წამოწევა;
• თვალებიდან ცრემლდენის  მომატება;
• წვის  შეგრძნება;
• გაწითლება და ა.შ.
• გულის  რიტმის  მოშლა,  ძირითადად მოციმციმე არითმიის სახით;
• სისხლის მიმოქცევის უკმარისობა.

დიფუზური ტოქსიკური ჩიყვის დიაგნოსტირებისთვის გამოიყენება:

• ულტრაბგერითი გამოკვლევის მეთოდი – ექოსკოპია – ის ფარისებრი  ჯირკვლის  გადიდების  ნებისმიერი  ხარისხის  შესაფასებლად  ყველაზე საიმედო თანამედროვე საშუალებაა;
• ლაბორატორიული გამოკვლევები ფარისებრი ჯირკვლის ჰორმონებზე;
• ანამნეზი — კლინიკური ნიშნების არსებობა, განსაკუთრებით მისთვის

დამახასიათებელი ძირითადი ტრიადა (სიმპტომთა სამეული):

• ჩიყვი (ფარისებრი ჯირკვლის გადიდება);
• გადმოკარკლული თვალები;
• თაქიკარდია;

დიფუზური ტოქსიკური ჩიყვის სამკურნალოდ აუცილებლად მიმართეთ ექიმს, რათა არ მოხდეს მდგომარეობის დამძიმება და რაიმე გართულებები.

ტოქსიკური ჩიყვი ხშირად აღმოცენდება ფსიქიკური ტრავმის, მწვავე ინფექციის და სტრესული სიტუაციების შემდეგ.